Breyta Valsmenn hefðinni?

Valsmenn eru með sex stig (fullt hús) í Pepsi-deild karla og það þrátt fyrir að hafa einir liða í deildinni ekki spilað heimaleik í fyrstu tveimur umferðunum. Þetta er þriðja sumarið í röð þar sem Valsmenn eru með fullt hús á þessum tíma en í hin tvö skiptin hefur liðið ekki náð að fylgja þessum sigrum eftir og tapað leikjum sínum í 3. og 4. umferð.

Nú er að sjá hvort Valsmenn nái að brjótast út úr þessari hefð þegar þeir fá Framara í heimsókn á Vodafone-völlinn klukkan 19.15 í kvöld.

Valsmenn töpuðu 0-1 á heimavelli á móti Val í 3. umferð 2011 og 0-1 á útivelli á móti Breiðablik í 3. umferð 2012.

Þetta er í fyrsta sinn síðan 1995 sem Valsmenn fá ekki heimaleik í fyrstu tveimur umferðunum en mikill munur er á árangri liðsins nú miðað við fyrir átján árum. Þá var Valur með ekkert stig og markatöluna 2-10 eftir þessa tvo leiki en nú eru stigin sex og markatalan 5-2.