Malbikað og brúað í Elliðaárdal

Áætlað er að gera malbikaðan hjólreiða- og göngustíg þvert fyrir Elliðaárdal með tilheyrandi brúm yfir báðar kvíslar árinnar.

Tillögu um þessa nýju samgönguæð frá umhverfis- og skipulagssviði var í skipulagsráði vísað til umsagnar aðila sem ráðið telur eiga hagsmuna að gæta varðandi framkvæmdina. Þetta eru Veiðimálastofnun, Fiskistofa, Orkuveita Reykjavíkur og Landssamband hjólreiðamanna.

Stígurinn á að liggja um það bil frá undirgöngum sunnan Bústaðavegar að gömlu rafstöðinni í Elliðaárdal. Á miðri leið á að vera áningarstaður við hringtorg.