Tryggvi er nú tvö hundruð marka maður í efstu deild

Tryggvi Guðmundsson lagði upp mark Fylkis í 1. umferð Pepsi-deildar karla á sunnudagskvöldið en þetta var tímamótamark fyrir þennan síunga 38 ára gamla leikmann.

Tryggvi er nefnilega með því kominn í 200 marka klúbbinn því hann hefur skorað 129 mörk og gefið 71 stoðsendingu í efstu deild karla. Samtals gerir þetta tvö hundruð mörk í efstu deild þar sem Tryggvi hefur annaðhvort skorað sjálfur eða gefið stoðsendingu á félaga sinn.

Tryggvi komst í 200 marka klúbbinn í 233 leikjum en hann hefur skorað eða gefið stoðsendingu fyrir fimm lið í efstu deild: ÍBV (75 mörk + 34 stoðsendingar), KR (3+1), FH (51+35) og Fylki (0+1).

Tölfræði um stoðsendingar hefur verið tekin saman frá og með sumrinu 1992 sem er einmitt fyrsta tímabil Tryggva í efstu deild.

Tryggvi er markahæsti leikmaður efstu deildar karla frá upphafi en hann vantar enn sextán stoðsendingar til að jafna met Guðmundar Benediktssonar yfir flestar stoðsendingar.