Endurkoma hjá Alan Sutej?

Slóvenski varnarmaðurinn Alan Sutej er á leið í æfingaferð með 1. deildarliði Grindavíkur til Spánar. Þetta kemur fram á Fótbolta.net.

Sutej er íslensku knattspyrnuáhugamönnum að góðu kunnu en Slóveninn lék með Keflvíkingum við góðan orðstír árin 2009 og 2010.

Hann gekk til liðs við FH fyrir tímabilið 2011 en erfið meiðsli urðu til þess að hann náði aldrei að spila deildarleik með Hafnfirðingum.

,,Hann var meiddur hjá FH og við ætlum að prófa hann. Hann fer með okkur til Alicante á Spáni og ef hann verður í lagi þá kemur hann aftur með okkur til Íslands," sagði Milan Stefán Jankovic þjálfari Grindvíkinga í samtali við Fótbolta.net í dag.