„Styrkjum hjartaþræðina“ - nauðsynlegt að endurnýja tækjabúnað

Hjartaheill og Neistinn biðla til landsmanna um að leggja fé til söfnunarinnar „Styrkjum hjartaþræðina“. Safnað er fyrir nýju hjartaþræðingartæki á hjartadeild Landspítala.

Gestur Þorgeirsson, yfirlæknir á hjartadeild Landspítalans, segir aðeins tímaspursmál hvenær elsta tækið sem nú er í notkun gefur sig. „Úti í heimi eru menn að nota þessi tæki í 6-8 ár, en okkur hefur tekist að nýta þetta tæki í sextán ár,“ útskýrir Gestur. Hann segir nauðsynlegt að endurnýja það sem fyrst. Í hverjum mánuði eru framkvæmdar um 200 hjartaþræðingar á Hjartadeild Landspítalans. Það eru hátt í 2400 aðgerðir á hverju ári.

„Við höfum leitað til fjölskyldnanna í landinu til þess að leggja okkur lið," segir Ásgeir Þór Árnason, framkvæmdastjóra Hjartaheilla. „Stofnuð hefur verið valgreiðsla á hverja fjölskyldu í landinu og að sjálfsögðu er öllum í sjálfsvald sett hvort þeir vilji styðja átakið eða ekki. Hverri fjölskyldu munar kannski ekki svo mikið um 1000 kr. en það safnast þegar saman kemur,“ segir Ágeir.

Einnig er hægt að hringja í eftirfarandi söfnunarsíma sem komast í gagnið bráðlega.

907 1801 - 1000 kr. framlag

907 1803 - 3000 kr. framlag

907 1805 - 5000 kr. framlag