Þrjú brjóströntgentæki af fimm biluð

Þrjú brjóstaröntgentæki af fimm hjá Leitarstöð Krabbameinsfélagsins í Reykjavík og á Akureyri hafa bilað á síðustu vikum. Tækin eru notuð til þess að leita að krabbameini í brjóstum kvenna. Bilanirnar hafa orsakað bið eftir tímum í hópskoðun.

Krabbameinsfélagið hefur nú fundið lausn og er stefnt að því að öll tækin verði komin í notkun um miðja næstu viku. Þetta kemur fram í fréttatilkynningu frá félaginu. Jafnframt er tekið fram að bilanirnar hafi ekki orsakað bið hjá konum sem þurftu að fara í myndatöku vegna einkenna.