Þetta eru liðin 32 sem verða í pottinum á morgun

Í kvöld varð endanlega ljóst hvaða lið verða í pottinum þegar dregið verður í 32 liða úrslit Borgunarbikars karla í fótbolta á morgun. Átta síðustu liðin tryggðu sér farseðilinn í aðalkeppnina í kvöld þar á meðal 1. deildarlið Grindavíkur og Tindastóls.

Gunnar Wigelund skoraði þrennu fyrir Reyni Sandgerði sem vann 7-0 stórsigur á liði Grundarfjarðar.

Varamaðurinn Atli Hjaltested tryggði Hamar 2-1 útisigur á Berserki með marki á 90. mínútu leiksins.

Guðbjörn Alexander Sæmundsson skoraði tvö mörk í 3-0 sigri Álftanes á Elliða.

Christopher P Tsonis skoraði tvö mörk fyrir Tindastól í 5-1 útisigri á Dalvík/Reyni.

Upplýsingar um úrslit og markaskorara eru fengnar frá heimasíðu KSÍ og úrslit.net.

Úrslit í leikjum kvöldsins í 2. umferð  Borgunarbikar karla:

Þróttur V. - Hómer 3-0          

Sindri - Fjarðabyggð 7-6           

Berserkir - Hamar 1-2

Reynir S. - Grundarfjörður 7-0    

Ægir - Grindavík 3-4          

Álftanes - Elliði 3-0    

Höttur - Einherji  3-0

Dalvík/Reynir - Tindastóll 1-5



Liðin sem verða í pottinum þegar dregið verður í 32 liða úrslitin:

Pepsi-deild karla (12): FH, Breiðablik, ÍBV, KR, Stjarnan, ÍA, Fylkir, Valur, Keflavík, Fram, Þór Akureyri, Víkingur Ólafsvík.

1. deild karla (8): Víkingur Reykjavík, BÍ/Bolungarvík, Leiknir R., Tindastóll, Grindavík, Þróttur R., Selfoss og Völsungur.

2. deild karla (7): KV, Hamar, Sindri, Höttur, Grótta, HK og Reynir S..

3. deild karla (1): Magni.

4.deild karla (3): Álftanes, Þróttur Vogum, Ýmir

Utan deildarkeppni (1): Ármann.

Það verður dregið í höfuðstöðum KSÍ í hádeginu á morgun.