Hermann byrjar á bekknum en James byrjar

Hermann Heiðarsson er með sjálfan sig á bekknum þegar ÍBV tekur á móti ÍA í opnunarleik Pepsi-deildar karla í knattspyrnu sem hefst klukkan 16.00 á Hásteinsvelli í Vestmannaeyjum.

David Benjamin James byrjar í marki ÍBV og er þetta fyrsti opinberi leikur hans með félaginu.

Eiður Aron Sigurbjörnsson snýr nú aftur í ÍBV-liðið eftir dvöl í atvinnumennsku og hefur tekið við fyrirliðabandinu.

Gunnar Þorsteinsson, fyrrum atvinnumaður hjá Ipswich, er einnig í byrjunarliði ÍBV í sínum fyrsta leik með félaginu.

Aaron Robert Spear er á bekknum hjá ÍBV í dag en Bradley Simmons byrjar.

Jan Mikel Berg og Maksims Rafalskis spila síðan báðir sinn fyrsta deildarleik með Skagamönnum í Eyjum í dag.

Leikurinn er í beinni textalýsingu á Vísi.