Spáin: Fylkir hafnar í 6. sæti

Íþróttadeild Vísis og Fréttablaðsins spáir í spilin fyrir Pepsi-deild karla sem hefst þann 5. maí næstkomandi. Við spáum því að Fylkir hafni í sjötta sæti.

Fylkismenn hafa gengið í gegnum miklar breytingar á milli ára. Sex byrjunarliðsmenn frá því í fyrra eru horfnir en í staðinn hafa komnir sterkir leikmenn. Ásmundi Arnarssyni tókst að skila Fylki um miðja deild síðastliðið sumar en meiðsli plöguðu lykilmenn hjá liðinu allt sumarið.

Með Tryggva Guðmunds og Viðar Örn í framlínunni ættu Fylkismenn að vera hættulegir fram á við en ekki líklegir til frekari afreka en miðjumoðs.

Töluverð bjartsýni er í Lautinni fyrir sumarið en sjötta sæti væri fín niðurstaða fyrir appelsínugula Árbæinga.

Stjarnan: Tryggvi Guðmundsson

Það gæti reynst Fylkismönnum happafengur að hafa í sínum röðum jafnreynslumikinn og drífandi leikmann og Tryggva. Léttir líka pressunni á Viðari Erni í fremstu víglínu.

Þjálfarinn

Ásmundur Arnarsson er er 41 árs gamall og á sínu öðru tímabili með liðið. Hann hefur líka þjálfað Fjölni í tvö tímabil í efstu deild. Á að baki þrjú tímabil sem þjálfari í efstu deild (66 leikir, 21 sigur, 39 prósent).

Nýju andlitin:

Tryggvi Guðmundsson (ÍBV)

Viðar Örn Kjartansson (Selfoss)

Pablo Punyed (Fjölnir)

Heiðar Geir Júlíusson (Svíþjóð)

Kristján Hauksson (Fram)

Sverrir Garðarsson (Haukar)

Fylgstu með þessum:

Pablo Punyed  – Getur spilað sem bakvörður og á miðjunni.

Hvað er langt síðan ...

... liðið vann titil – 11 ár

... liðið var inn á topp þrjú – 4 ár

... liðið spilaði í B-deild – 14 ár  

... liðið skoraði flest mörk í deildinni – 13 ár

... liðið spilaði í Evrópukeppni – 3 ár

... Fylkismaður fékk silfurskóinn – 11 ár

Einkunnaspjaldið

Vörnin 3/5

Sóknin 3/5

Þjálfarinn 3/5

Breiddin 2/5

Íslandsmeistari: Aldrei

Bikarmeistari: 2 (Síðast 2002)

Spáin:

1. sæti: ???

2. sæti: ???

3. sæti: ???

4. sæti: ???

5. sæti: ???

6. sæti: Fylkir

7. sæti: Fram

8. sæti: ÍA

9. sæti: ÍBV

10. sæti: Þór

11. sæti: Keflavík

12. sæti: Víkingur Ó.