Sigurður ráðinn upplýsingafulltrúi ríkisstjórnarinnar

Sigurður Már Jónsson hefur verið ráðinn upplýsingafulltrúi ríkisstjórnarinnar. Þetta kemur fram á vefsíðu forsætisráðuneytisins.

Sigurður er fæddur árið 1960 og lauk stúdentsprófi frá Menntaskólanum á Laugarvatni, lagði stund á sagnfræði og stjórnmálafræði við Háskóla Íslands en hefur starfað við blaðamennsku síðan 1985, lengst af á Viðskiptablaðinu þar sem hann var aðstoðarritstjóri og síðast ritstjóri.

Sigurður mun starfa í forsætisráðuneytinu og hefur störf 1. október næstkomandi.