Kominn tími til að lögin virki

„Það var aldeilis kominn tími til að þessi lög, sem sett voru árið 2009, færu að virka,“ segir Guðrún Jónsdóttir talskona Stígamóta um dómana sem féllu í Héraðsdómi Reykjaness í morgun á tíu vændiskaupendum. Var þeim gert að greiða 100.000 krónur í sekt eða sæta fangelsi í sex daga.

Guðrún segist vona að þessir dómar sé einungis byrjunin á notkun laganna. „Það er búið að koma fram í viðtölum við ansi marga undanfarið, að það sé bullandi vændi á Íslandi og við verðum bara að treysta því að þetta sé byrjunin,“ segir Guðrún.