Skotheldur snjallsími bjargar lífi manns

Það varð bensínafgreiðslumanni í Flórída til happs að hann var með farsímann sinn í brjóstvasa skyrtu sinnar þegar maður vopnaður byssu skaut hann í brjóstið. Vopnaði maðurinn gerði tilraun til þess að ræna bensínstöðina þar sem maðurinn var að störfum. Atvikið átti sér stað í úthverfi Orlando í gær. AP segir frá.

Lögreglan sagði að maðurinn hefði ekki áttað sig á því að hann hefði orðið fyrir skoti fyrr en hann dró símann sinn upp úr vasanum.

Lögreglan segir að maðurinn sé aðeins með minniháttar áverka eftir árásina.