Björgólfur missti af Baggalúti og Frostrósum

Kjarasamningagerð helgarinnar varð til þess að Björgólfur Jóhannsson, formaður Samtaka atvinnulífsins, missti af jólatónleikum Baggalúts á föstudagskvöldið og jólatónleikum Frostrósa í gærkvöldi.

Þetta sagði hann í samtali við fréttamann fréttastofu. Hann hafði vonast til þess að samningarnir yrðu undirritaðir um kvöldmatarleytið í gær eins og um tíma leit út fyrir að myndi nást.

Undir samningana var hins vegar ekki skrifað undir fyrr en á tíunda tímanum. Björgólfur sem ætla má af þessu að sé mikið jólabarn komst því á hvoruga tónleikana.