Ekkert millilandaflug

Allt millilandaflug liggur niðri í dag, en engar brottfarir eru á dagskrá Keflavíkurflugvallar. Það er þó ekki vegna óveðurs.

Á vefsíðunni túristi.is kemur fram að hlé, sem gert er á samgöngum til og frá landinu á jóladag, virðist vera séríslensk venja.

Á aðfangadagsmorgun fóru tvær vélar til Lundúna og voru það einu ferðir dagsins frá Keflavíkurflugvelli. Í dag eru hins vegar engar brottfarir á dagskrá vallarins og sömu sögu er að segja um flugvellina á Akureyri, Egilsstöðum og Reykjavík.

Á helstu flugvöllum Norðurlanda eru hins vegar fjöldi ferða í boði í dag. Á það jafnt við stóru vellina í höfuðborgunum og þá minni í Bergen, Billund og Gautaborg. Leifsstöð hefur verið lokuð á jóladag síðustu ár.

Á morgun, annan dag jóla, eru hins vegar 27 brottfarir á dagskrá Keflavíkurflugvallar.