Stjórnendur keyptu hlutabréf í N1

Þrír af stjórnendum N1 keyptu hlutabréf í félaginu fyrir um 19 milljónir króna.

Eggert Þór Kristófersson, fjármálastjóri, keypti hlutabréf fyrir tíu milljónir króna, Eggert Benedikt Guðmundsson, forstjóri, keypti fyrir um fimm milljónir og Hinrik Örn Bjarnason, framkvæmdastjóri fyrirtækjasviðs, keypti hlutabréf fyrir um fjórar milljónir króna.

Frá þessu er sagt í Viðskiptablaðinu í dag.

Fleiri fruminnherjar svokallaðir, keyptu hlutbréf í N1 í hlutafjárútboðinu í síðustu viku, en tilkynning þess efnis var birt í kjölfarið á því að tilkynnt var um niðurstöðu útboðsins. Samtals keyptu tengdir aðilar hlutabréf í félaginu fyrir rúmar 20,5 milljónir króna.