Fríverslunar­samningur EFTA og Víet­nam í höfn

Þetta kemur fram í tilkynningu á vef Stjórnarráðsins. Á fundinum hafi ráðherrar EFTA-ríkjanna, þ.e. Íslands, Noregs, Liechtenstein og Sviss, og iðnaðarráðherra Víetnam sammælst um lok samningaviðræðnanna. Samkomulagið hefur nú verið staðfest af öllum fimm ríkjunum.

Samninganefndir ríkjanna hafi fundað vikulangt í Reykjavík í aðdraganda fundarins og að niðurstaða þeirrar vinnu hafi lagt grunninn að samkomulaginu sem ráðherrar ríkjanna fimm samþykktu. 

„Samkomulag við Víetnam um fríverslunarsamning er stór áfangi fyrir EFTA, en samningurinn kemur til með að styrkja viðskiptatengsl EFTA-ríkjanna við eitt mest vaxandi hagkerfi Asíu. Þá er auðvitað sérstaklega ánægulegt að síðasta samningalotan hafi farið fram á Íslandi og að lokahnúturinn hafi verið bundinn á ráðherrafundi EFTA í Reykjavík,“ er haft eftir Þorgerði Katrínu Gunnarsdóttur, utanríkisráðherra, í tilkynningunni. 

„Um er að ræða umfangsmikinn og nútímalegan fríverslunarsamning sem tekur meðal annars til vöru- og þjónustuviðskipta, fjárfestinga, opinberra innkaupa, hugverkaréttinda auk viðskipta og sjálfbærrar þróunar. Samningurinn kemur til með að bæta markaðsaðgang íslenskra fyrirtækja í Víetnam og skapa aukin tækifæri til vöru- og þjónustuviðskipta sem og fjárfestinga.“