Ástþór vill eignast Kreditkort hf.

Ástþór Magnússon og Alma Björk Ástþórsdóttir, fyrrum starfsmaður Íslandsbanka og dóttir Ástþórs, vilja kaupa fyrirtækið Kreditkort hf. af Íslandsbanka.

Markmiðið er að gefa út kreditkort á alþjóðlegum markaði til fjármögnunar samtaka gegn bankaspillingu og hrægammasjóðum eins og fram kemur í bréfi Ástþórs til Kreditkort hf.

Ástþór hefur tryggt sér vörumerkið ISLANDSBANKI í Evrópu og Bandaríkjunum og vefsvæðin islandsbanki.eu fyrir Evrópumarkað og islandsbanki.us fyrir bandaríkjamarkað.

Kortin verða búin nýrri áður óþekktri öryggistækni og skarta landslagsmyndum úr Íslenskum myndabanka.

Ástþór skorar á þá starfsmenn Íslandsbanka sem fara með forráð yfir Kreditkort útgefanda Mastercard á Íslandi að selja sér fyrirtækið svo það komist aftur í hendur Íslendinga.

Ástþór hefur nú þegar sent frá sér bréf til forráðamanna Kredikort hf.  en það má lesa hér að neðan:

Vil kaupa mitt gamla og góða Kreditkort hf.

„Sem ungur athafnamaður sá ég tækifæri til þess að innleiða kreditkort á Íslandi eftir að hafa kynnst kortanotkun á námsárum mínum í Bretlandi. Ég furðaði mig á því að slík kort væru ekki til á Íslandi en þá voru ávísanir helsti greiðslumiðill landsmanna. Ég náði saman hópi fjárfesta til að stofna Kreditkort hf., fyrsta kreditkortafyrirtæki Íslendinga.

Fullur af ungum eldmóð óð ég um stræti borgarinnar milli kaupmanna að fá þá til að taka við kreditkortum í verslunum sínum. Þetta varð upphafið að byltingu í greiðslumiðlun á Íslandi þar sem greiðslukort urðu ráðandi.

Því miður virðist mitt gamla og góða fyrirtæki Kreditkort hafa orðið undir í samkeppninni og kort félagsins eru orðin nánast fágæt hjá Íslenskum kaupmönnum og VISA kortin nánast allsráðandi.

Undir stjórn Íslandsbanka virðist ástandið enn hafa versnað. Það er sorgleg staðreynd að í dag er mitt gamla góða fyrirtæki í raun komið í klærnar á erlendum hrægammasjóðum sem smugu sér bakdyramegin inní Íslandsbanka með það eitt fyrir augum að mergsjúga Íslensku þjóðina.

Fyrirtæki mínu í Bretlandi hefur tekist að tryggja sér vörumerkið ISLANDSBANKI í öllum löndum Evrópusambandsins (Vörumerki Nr. EU012260782) og í Bandaríkjunum (Vörumerki Nr. 86131467). Þá eigum við lénin www.islandsbanki.eu fyrir Evrópumarkað og www.islandsbanki.us fyrir bandaríkjamarkað. Ætlunin er að hefja útgáfu greiðslukorta til neytenda erlendis undir vörumerki okkar Islandsbanki sem skarta völdum ljósmyndum úr Íslenskri náttúru frá Íslenskum myndabönkum.

Ágóða af útgáfu ISLANDSBANKI kortanna verður m.a. varið til að byggja upp alþjóðleg samtök, islandsbanki.org gegn bankaspillingu.

Sérstakleg munu samtökin beita sér gegn því að vogunarsjóðir, eða hrægammasjóðir eins og þeir kallast á Íslandi, komist upp með að yfirtaka almennar bankastofnanir og breyta þeim í ósvífnar innheimtuvélar til að mergsjúga heilar þjóðir eins nú er að gerast á Íslandi.

Sníkjudýr erlendra vogunarsjóða eru að blóðmjólka fyrirtæki og heimili með slíkum afleiðingum að fjölskyldur hafa splundrast, fólk hefur liðið alvarlega heilsubresti og þó nokkrir framið sjálfsmorð vegna þess mikla álags sem það hefur orðið fyrir við að missa eignir sínar og heimili til hrægammana.

Islandsbanki samtökin www.islandsbanki.org munu vekja athygli á því í Evrópu og Bandaríkjunum að eigendur þrotabús Glitnis sem ekki komast með peninga þjóðarinnar úr landi vegna aðgerða stjórnavalda, ætli sér nú að nýta enn eina ormaholuna að komast bakdyramegin með milljarðana úr landi.

Unnið hefur verið að því nótt og dag hjá Íslandsbanka undanfarin misseri að skrúfa upp lánasöfn og aðrar eignir bankans með forðubókhaldi til að gera Íslandsbanka að svokölluðum vænlegum kosti fyrir erlenda hlutafjármarkaði. Hér er í raun í fæðingu önnur Íslensk ponsí svikamylla.

Hrægammarnir vilja nýta viðurkennda erlenda hlutabréfamarkaði til að lokka nýja fjárfesta til hlutabréfakaupa á uppsprengdu verði. Þannig á að laumast út um enn einar bakdyrnar í skjóli nætur og millifæra frá Íslandi hundruð milljarða, eða stóran hluta þeirra peninga sem Íslendingar gjarnan kalla þýfið sem stolið var af þjóðinni.

Erfitt gæti reynst Íslendingum að spyrna við, t.d. með þjónýtingu bankanna, heiðarlegum og venjulegum fjárfestum sem hafa þannig í góðri trú í gegnum kauphöll eignast hlut í starfandi íslenskum banka.

Sem Íslendingi ofbýður mér aðför erlendra vogunarsjóða að Íslandi og Íslensku þjóðinni. Við þurfum öll að taka höndum saman, bæði þeir Íslendingar sem starfa innan sem utan bankanna, til að lágmarka þann skaða sem hrægammarnir geta valdið okkar þjóð.

Komist hrægammarnir upp með að fljúga með þýfið úr landi situr framtíðar kynslóð þessa lands uppi með skellinn og skuldbindingarnar sem myndast við þetta stærsta bankarán mannkynssögunnar.

Ég skora ég á þá starfsmenn Íslandsbanka sem fara með forráð yfir Kreditkort útgefanda Mastercard á Íslandi að selja mér fyrirtækið svo það komist aftur í hendur Íslendinga. Reyndar í víðtæku kennitöluflakki bankamanna að undanförnu er það svolítið ruglingslegt um hvaða fyrirtæki er að ræða í dag, þannig ég óska til öryggis að kaupa þau öll: 5107061530 Kreditkort ehf. Ármúla 28, 108 Reykjavík 6601071180 Kreditkort hf (Félag afskráð) Ármúla 28, 108 Reykjavík 5404685169 Kreditkort hf = Kort hf (Félag afskráð), 105 Reykjavík 7006820569 Kreditkort sf (Félag afskráð) Ármúla 28, 108 Reykjavík 5203070360 Kreditkort sérhæfð kortaþjónusta Íslandsbanka Ármúla 28, 108 Reykjavík."