Minnstur ójöfnuður á Íslandi

Hlutfall landsmanna sem var undir lágtekjumörkum eða í hættu á félagslegri einangrun var lægst á Íslandi árið 2012 samanborið við Evrópulöndin. Hér var hlutfallið 12,7%, en 25% meðal íbúa Evrópusambandsins. Hlutfallið í Noregi var næst lægst og þar á eftir í Hollandi. Þau lönd þar sem flestir íbúar eru undir lágtekjumörkum eða í hættu á félagslegri einangrun.

Mælingin byggir á þremur þáttum: Heimilistekjum, vinnuþátttöku heimilismanna og hvað heimilin geta leyft sér af efnislegum gæðum. Þetta kemur fram á vef Hagstofu Íslands.

Ef eingöngu er litið á þá sem voru fyrir neðan lágtekjumörk var hlutfallið einnig lægst á Íslandi, eða 7,9% á meðan meðaltal var 17,1% innan Evrópusambandsins. „Þegar aðrir mælikvarðar á tekjudreifingu eru skoðaðir var Ísland með þriðja mesta jöfnuðinn meðal Evrópuþjóða árið 2012. Gini-stuðullinn á Íslandi var 24 en 30,5 innan Evrópusambandsins. Lægstur var Gini-stuðullinn í Noregi, 22,6 og Slóveníu, 23,7.“ Stuðullinn væri 0 ef allir hefðu jafnar tekjur en 100 ef allar tekjur tilheyrðu sama einstaklingnum.

Fimmtungstuðullinn ber saman tekjur þerra 20% tekjuhæstu og 20% þeirra tekjulægstu. Hér á landi voru efstu 20% með 3,4 sinnum hærri tekjur sen sá tekjulægsti, en 5,1 innan Evrópusambandsins. Norðmenn voru með lægsta fimmtungastuðulinn, 3,2 og Slóvenar voru næstir með 3,4.

„Samkvæmt lífskjararannsókninni stóð kaupmáttur í stað milli ára eftir að hafa farið lækkandi frá árinu 2009. Þróun kaupmáttar milli áranna 2011 og 2012 var svipuð í öllum tekjufimmtungum. Kaupmáttur þeirra tekjuhæstu rýrnaði hins vegar mest milli áranna 2009 og 2011.“