Myndir frá hamfarasvæðunum á Filippseyjum

Fellibylurinn Hayian hefur farið hratt yfir á Filippseyjum í nótt og í morgun og gert þar mikinn usla.

Aurskriður hafa fallið á mörgum stöðum, tré fokið upp með rótum og fjölmörg hús eyðilagst eða hreinlega horfið.

Vitað er um fjögur dauðsföll af völdum fellibylsins, sem nefndur hefur verið Hayian.

Fellibyljir eru algengir á Filippseyjum, en þessi er einn sá allra stærsti og öflugasti sem komið hefur á þessum slóðum. Vindstyrkurinn hefur víða farið yfir 65 metra á sekúndu og allt upp undir 80 metra í hviðum.

Meira en 700 þúsund manns yfirgáfu heimili sín.

Álíka öflugur fellibylur kom árið 1990 og varð hann meira en 500 manns að bana.