Innlent

Hæstiréttur dæmdi Karl Vigni í sjö ára fangelsi

Jón Júlíus Karlsson skrifar
Karl Vignir Þorsteinsson hefur verið dæmdur í sjö ára fangelsi.
Karl Vignir Þorsteinsson hefur verið dæmdur í sjö ára fangelsi.
Karl Vignir Þorsteinsson var dæmdur í sjö ára fangelsi í Hæstarétti í dag. Hæstiréttur staðfesti dóm Héraðsdóms Reykjavíkur sem hafði áður dæmt Karl Vigni í sjö ára fangelsi.

Dómur Hæstiréttar þyngdi aðeins dóm Hérðasdóms Reykjavíkur og hækkaði þær miskabætur sem Karl þarf að greiða fórnarlömbum sínum. Karl er dæmdur til að greiða þremur mönnum um 3 milljónir króna í miskabætur.

Karl Vignir var sakfelldur fyrir að nauðga þeim öllum og fyrir vændiskaup með því að greiða tveimur þeirra fyrir samræðið. Brot gegn fjórða manninum var fyrnt þegar rannsókn hófst og ekki var unnt að refsa honum fyrir að greiða þeim þriðja fyrir vændi, þar sem það var ekki lögbrot á þeim tíma.

Karl Vignir hefur setið í gæsluvarðhaldi síðan í janúar, eftir að Kastljós fjallaði ítarlega um áratugalangan brotaferil hans. Hann gekkst við brotum gegn tugum barna og ungmenna í þættinum og í kjölfarið bárust kærur á hendur honum vegna nýlegri brota, sem nú hafa leitt til dóms.

Í dómnum segir að brot Karls Vignis séu mjög alvarleg. Þau séu mörg og hafi staðið yfir langt tímabil. Brotavilji hans hafi verið einbeittur og brotin beinst að andlega fötluðum mönnum sem treystu honum og litu á hann sem vin sinn. Í dómnum segir að hann eigi sér engar málsbætur.


Tengdar fréttir

Karl Vignir ósáttur og áfrýjar dómnum

Karl Vignir Þorsteinsson áfrýjaði í síðustu viku sjö ára fangelsisdómi sem hann fékk fyrir mánuði fyrir að brjóta kynferðislega á þremur fötluðum mönnum.

Ákærður fyrir brot gegn þroskaheftum

Þau fjögur brot sem Karl Vignir Þorsteinsson er ákærður fyrir snerta öll þroskaskerta einstaklinga. DV greindi frá þessu en heimildir Vísis herma hið sama. Aðalmeðferð málsins gegn Karli Vigni verður haldið áfram í Héraðsdómi Reykjavíkur á morgun.




Fleiri fréttir

Sjá meira


×