Misbauð verulega tamningaaðferðir

Matvælastofnun hefur varað við notkun á tamningaaðferðum sem nýverið var sýnd við kennslu. Stofnuninni bárust ábendingar um tamningaaðferðirnar í vikunni þar sem fólki var verulega misboðið að sjá aðfarirnar við hrossinn.

Matvælastofnun rannsakaði málið og notaðist m.a. við myndbandsuptöku frá sýnikennlsunni. Þar mátti sjá hvernig trippi var gróflega yfirbugað með uppbindingu á öðrum framfæti samtími þrýstingi á brjóst og herðar. Með jöfnu millibili var togað í bandið til að koma trippinu úr jafnvægi.

Eftir 45 mínútna baráttu hjá trippinu við að standast þetta álag, þar sem það féll m.a. nokkrum sinnum við en náði að krafla sig upp á ný, gafst það upp og lagðist. Það var orðið lafmótt og sveitt eftir mikil átök og af öllu atferli þess mátti ráða að trippið var uppgefið.

„Það er niðurstaða Matvælastofnunar að tamningaraðferð þessi byggi á grófri valdbeitingu sem ekki er ásættanleg út frá sjónarmiði dýravelferðar. Aðrar mildari aðferðir eru enda vel þekktar til að ná sama markmiði við tamningar. Yfirdýralæknir varar við framangreindri tamningaraðferð og telur hana andstæða velferð dýra,“ segir á heimasíðu Matvælastofnunnar.