Kröfu Hraunavina hafnað

Héraðsdómur Reykjavíkur hefur hafnað kröfu Hraunavina og þrennra annarra náttúruverndarsamtaka, um að leitað verði ráðgefandi álits EFTA-dómstólsins um hvort samtökin hafi lögvarinna hagsmuna að gæta í lögbannsmáli vegna lagningar Álftanesvegar um Gálgahraun.

Samtökin kröfðust lögbannsins sem var hafnað af sýslumanninum í Reykjavík en sú niðurstaða var kærð til Héraðsdóms Reykjavíkur. Undir meðferð málsins gerðu samtökin umrædda kröfu um að vísa málinu til ráðgefandi álits EFTA-dómstólsins. Þeirri kröfu var í dag hafnað af dómnum. Úrskurðinum verður líklegast áfrýjað af hálfu sóknaraðila.