Innlent

Catalína opnar tískuvöruverslun

Kristján Hjálmarsson skrifar
Catalina hefur sagt skilið við vændið og hefur opnað stórglæsilega tískuvöruverslun í Holtagörðum.
Catalina hefur sagt skilið við vændið og hefur opnað stórglæsilega tískuvöruverslun í Holtagörðum. Valli

„Þegar ég var lítil stúlka þá dreymdi mig um að opna mína eigin fatabúð. Það má segja að þetta hafi verið draumur minn alla tíð að opna verslun með fallegum fötum. Tíska hefur alltaf verið stór hluti af lífi mínu,“ segir Catalina Ncoco.

Sá draumur hefur nú ræst. Catalina er nú stolt kaupsýslukona og búðareigandi en hún opnaði nýverið tískuvöruverslun í Holtagörðum sem heitir Miss Miss. Þetta er ítölsk verslunarkeðja og má finna Miss Miss í helstu borgum heims.

Í dag er Catalina stolt kaupsýslukona og búðareigandi. Valli

Catalina var fyrirferðarmikil í fjölmiðlum á árum áður, á árinu 2009 og þar um kring, en hún var fundin sek um að gera út stúlkur í vændi og hlaut þungan fangelsisdóm. Í sögu hennar Hið dökka man kemur fram að hún eigi erfitt með að skilja hvað hún gerði rangt, hún hafi ekki gert neitt á neins hlut. En nú er komið annað hljóð í Catalinu. „Margir þekkja sögu mína í gegnum fjölmiðla. En með opnun þessarar búðar er nýr kafli að hefjast í lífi mínu.“

Catalina er mjög stolt af búð sinni, hún segist hafa lagt blóð, svita og tár í að koma henni á fót. „Allir hafa einhvern tíma gert mistök á lífsleiðinni. Ég geri mér vel grein fyrir því að ég gerði mistök. Ég horfist í augu við það. En þessi mistök heyra nú fortíðinni til. Og ég vona að fólk gefi mér tækifæri. Tækifæri á að sanna mig. Ég er stolt kona í dag.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.