Enn tapa lið Kristjáns eftir sigurleiki

Lið Kristjáns Guðmundssonar hafa ekki náð að fylgja eftir sigurleik í níu tilraunum í röð.

Keflavík, lið Kristjáns, tapaði í kvöld fyrir Þór á heimavelli, 3-1. Keflavík hafði betur gegn ÍA í síðustu umferð en það var fyrsti leikur Kristjáns eftir að hann tók við liðinu á nýjan leik.

Í fyrra var hann þjálfari Vals og þá einkenndist tímabilið af sigur- og tapleikjum til skiptis, eins og sjá má í meðfylgjandi tölfræði:

Valur 2012

8 leikir - 8 töp - 0 stig

Markatala: 7-18, -11

Keflavík 2013

1 leikur - 1 tap - 0 stig

Markatala: 1-3, -2

Samtals 2012-2013

9 leikir - 9 töp - 0 stig

Markatala: 8-21, -13

Lið Kristjáns unnu síðast tvo deildarleiki í röð í 1. og 2. umferð 2012 (á móti Fram og Selfossi).