Öll úrslit kvöldsins í Borgunarbikarnum

Sex lið eru búin að tryggja sér farseðilinn í átta liða úrslitum Borgunarbikars karla. Fimm farseðlar voru gefnir út í kvöld en ÍBV fékk þann fyrsta fyrir tæpri viku síðan.

Bikarævintýri nokkurra neðrideildarliða lauk í kvöld og ekki hægt að tala um nein óvænt úrslit.

Mesta spennan var í Ólafsvík þar sem þurfti að framlengja og grípa til vítaspyrnukeppni. Þar sátu heimamenn eftir með sárt ennið.

Magnamenn stóðu sig vel á Nesinu þar sem einum færri náðu þeir að vinna upp tveggja marka forskot Gróttu. Það dugði þó ekki til.

Úrslit kvöldsins:

Sindri - Fylkir  0-2

0-1 Viðar Örn Kjartansson (50.), 0-2 Heiðar Geir Júlíusson (56.).

Leiknir - KR  0-3

0-1 Óskar Örn Hauksson (39.), 0-2 Kjartan Henry Finnbogason (54.), 0-3 Aron Bjarki Jósepsson (65.).

Víkingur Ó. - Fram  1-1

0-1 Almarr Ormarsson (29.), 1-1 Fannar Hilmarsson (69.).

Fram fór áfram eftir sigur í vítakeppni sem fór alla leið í bráðabana.

Grótta - Magni  3-2

1-0 Pétur Theodór Árnason (27.), 2-0 Jónmundur Grétarsson (51.), 2-1 Hreggviður Heiðberg Gunnarsson (73.), 2-2 Anton Ástvaldsson, sjm (79.), 3-2 Örlygur Helgason, sjm (85.).

Víkingur R. - Tindastóll 2-1

1-0 Aron Elís Þrándarson (2.), 2-0 Hjörtur Júlíus Hjartarson, víti (8.), 2-1 Christopher Tsonis (21.)