Karl vill giftast kettinum sínum

Karl Lagerfeld vill giftast kettinum sínum. Fatahönnuðurinn sérvitri er svo hrifinn af kettinum sínum, Choupette, að hann borgar tveimur þjónustukonum fyrir að sjá um hann allan sólarhringinn á heimili sínu í París.

Kötturinn á þar að auki sinn eigin iPad og með aðgang að Twitter. Lagerfeld sagði í viðtali við CNN að það væru viss vonbrigði að menn og dýr gætu ekki enn gengið í hjónaband. „Ég hélt aldrei að ég myndi verða svona ástfanginn af ketti,“ bætti Lagerfeld við. Heimildamenn vestanhafs segja að Lagerfeld hafi ættleitt köttinn eftir að hafa passað hann í tvær vikur og neitað að skila honum í kjölfarið.