Þetta víti er stútfullt af stælum

Leikmönnum Pepsi-deildar karla hefur gengið afar illa að nýta vítaspyrnur sínar í sumar og vítin voru eitt af umræðuefnunum í Pepsimörkunum í gær.

Árni Vilhjálmsson, leikmaður Breiðabliks, tók meðal annars slakt víti á ögurstundu gegn FH sem var varið.

"Þetta víti er stútfullt af stælum. Auðvitað er samt auðvelt að gagnrýna það því hann er búinn að klúðra," sagði Hjörvar Hafliðason en hann var ekki ánægður með Árna.

"Mér finnst hann vera fullkokhraustur. Þetta er einhverjir Balotelli-stælar í honum. Hvað er þetta?"

Hægt er að sjá vítið og umræðuna um það hér að ofan.