Haukar og Tindastóll með góða sigra

Haukar unnu góðan sigur á Selfossi, 2-3, en tveir leikir fóru fram í 1. deildinni í kvöld.

Haukar komust þar með upp að hlið BÍ/Bolungarvíkur með sex stig á toppnum Haukar hafa þó leikið einum leik meira en þetta voru fyrstu leikir þriðju umferðar mótsins. Selfoss er með þrjú stig um miðja deild.

Tindastóll vann sinn fyrsta sigur í deildinni er liðið sótti sigur gegn Þrótti á Valbjarnarvelli. Mikið lá á Stólunum undir lokin en þeir héldu út og hafa nú fimm stig.

Þróttur er á botninum án stiga.

Úrslit:

Selfoss-Haukar  2-3

1-0 Javier Zurbano Lacalle (7.), 1-1 Hilmar Trausti Arnarsson (31.), 1-2 Brynjar Benediktsson (43.), 1-3 Hilmar Geir Eiðsson (48.), 2-3 Joseph David Yoffe (71.)

Þróttur-Tindastóll  1-2

0-1 Elvar Páll Sigurðsson (31.), 0-2 Steven Beattie (38.), 1-2 Oddur Björnsson (55.)

Upplýsingar um markaskorara: urslit.net.