Fleiri Vals-martraðir hjá Keflvíkingum?

Valur tekur á móti Keflavík í fimmtu umferð Pepsi-deildar karla í fótbolta í kvöld en leikurinn fer fram á Vodafonevellinum að Hlíðarenda og hefst klukkan 19.15.

Valsmenn eiga einstaklega góðar minningar frá leikjum sínum við Keflavík síðasta sumar en Valsliðið vann báða leikina 4-0. Þetta voru tveir stærstu deildarsigrar Vals 2012 og jafnfram tvö stærstu töp Keflvíkinga í deildinni það sumar.

Staðan var svo sem ekkert slæm í hálfleik í þessum tveimur leikjum en Valsmenn skoruðu sjö af átta mörkum sínum eftir hlé.

Keflvíkingar hafa væntanlega sérstakar gætur á Kolbeini Kárasyni, framherja Vals, sem skoraði 4 af 7 mörkum sínum í Pepsi-deildinni síðasta sumar, í þessum tveimur leikjum á móti Keflavíkurliðinu.

Nú verður athyglisvert að sjá það í kvöld hvort að það séu frekari Vals-martraðir á leiðinni fyrir Keflvíkinga sem hafa verið að spila vel í síðustu tveimur leikjum sínum.

Valsmenn hafa aftur á móti ekki tapað leik í sumar en eru búnir að gera jafntefli í tveimur síðustu leikjum sínum.

Hér fyrir neðan má sjá yfirlit yfir leiki Vals og Keflavíkur síðasta sumar.



Leikir Vals og Keflavíkur í Pepsi-deildinni sumarið 2012:

31. maí á Vodafone-vellinum:

Valur-Keflavík 4-0 (0-0)

1-0 Kolbeinn Kárason (47.)

2-0 Matthías Guðmundsson (49.)

3-0 Kolbeinn Kárason (60.)

4-0 Kristinn Freyr Sigurðsson (88.)



27. ágúst á Nettó-vellinum í Keflavík:

Keflavík-Valur 0-4 (0-1)

0-1 Kolbeinn Kárason (15.)

0-2 Kolbeinn Kárason (83.)

0-3 Indriði Áki Þorláksson (88.)

0-4 Indriði Áki Þorláksson (90.)



Stærstu sigrar Vals sumarið 2012:

+4, Valur - Keflavík 4-0

+4, Keflavík - Valur 0-4

+3, Valur - Grindavím 4-1

+2, Valur - Selfoss 3-1

+2, Valur - FH 3-1

Stærstu töp Keflvíkinga sumarið 2012:

-4, Valur - Keflavík 4-0

-4, Keflavík - Valur 0-4

-3, FH - Keflavík 3-0

-3, KR - Keflavík 3-0

-2, Keflavík - FH 2-4

-2, Keflavík - Fylkir 0-2