FH-ingar hafa alltaf svarað með sigri í næsta leik

FH tekur á móti ÍA í fimmtu umferð Pepsi-deildar karla í fótbolta í kvöld en leikurinn fer fram á Kaplakrikavelli í Hafnarfirði og hefst klukkan 19.15.

FH-ingar hafa tapað stigum í tíu heimaleikjum frá og með tímabilinu 2010 og í öll tíu skiptin hefur FH-liðið svarað með sigri í næsta heimaleik á eftir.

FH gerði 1-1 jafntefli við ÍBV í síðasta heimaleik en Víðir Þorvarðarsyni tryggði Eyjamönnum þá stig á lokamínútu fyrri hálfleiksins. Nú er að sjá hvort FH-ingar halda í þessa hefð á móti Skagamönnum í kvöld.

Markatala FH í þessum tíu heimaleikjum er 31-11 eða 20 mörk í plús. Hér fyrir neðan má sjá yfirlit yfir það hvernig FH-liðið hefur svarað því að tapa stigum á heimavelli.



Næsti heimaleikur eftir að FH tapaði stigi í Krikanum

2010

2-3 tap fyrir ÍBV

Næsti heimaleikur: 2-1 sigur á Grindavík

1-3 tap fyrir Stjörnuni

Næsti heimaleikur: 4-1 sigur á Fram

1-1 jafntefli við Val

Næsti heimaleikur: 3-1 sigur á Haukum

1-1 jafntefli við Breiðablik

Næsti heimaleikur: 4-2 sigur á Fylki

2011

1-1 jafntefli við Víking

Næsti heimaleikur: 3-0 sigur á Stjörnunni

2-2 jafntefli við Fylki

Næsti heimaleikur: 3-2 sigur á Val

1-1 jafntefli við Fram

Næsti heimaleikur: 4-2 sigur á ÍBV



2012

1-1 jafntefli við Grindavík

Næsti heimaleikur: 1-0 sigur á Fram

2-2 jafntefli við Stjörnuna

Næsti heimaleikur: 5-2 sigur á Selfossi

1-3 tap fyrir KR

Næsti heimaleikur: 2-0 sigur á ÍBV



2013

1-1 jafntefli við ÍBV

Næsti heimaleikur: Á móti ÍA í kvöld



Samtals:

10 leikir - 10 sigrar - 0 töp

Markatala: 31-11 FH í vil