Allt snýst um þennan leik hér í Ólafsvík

Víkingar úr Ólafsvík spila í dag sinn fyrsta leik í efstu deild karla í fótbolta þegar þeir fá Fram í heimsókn á Snæfellsnesið. Okkar maður er kominn í Ólafsvík og ætlar að segja frá leiknum í dag.

„Það snýst allt um þennan leik hér í Ólafsvík, “sagði Gunnar Örn Arnarson, framkvæmdarstjóri Víkings Ólafsvíkur, fyrir leikinn í dag.

„Það hefur í raun allt snúist um þennan leik síðastliðna tvo mánuði. Bæjarfélagið hefur beðið eftir þessari stund í langan tíma.“

„Hér eru hátt í 20-30 manns í hverri viku að undirbúa völlinn og allt í kringum liðið, það er allt bæjarfélagið á bakvið þessa stráka.“

„Stuðningsmenn Víkings verða alltaf stoltir af strákunum, sama hvernig fer á tímabilinu.“