Von á fleiri stórstjörnum til Eyja?

„Það verða athyglisverðar fréttir af ÍBV á næstu 7-10 dögum," segir Óskar Örn Ólafsson, formaður meistaraflokksráðs ÍBV.

ÍBV samdi í gær við markvörðinn David James sem mun spila með liðinu í Pepsi-deildinni í sumar. James er næstleikjahæsti leikmaður ensku úrvalsdeildarinnar frá upphafi og margreyndur landsliðsmaður.

„Við erum alltaf að skoða í kringum okkur, bæði íslenska leikmenn og aðra," sagði Óskar Örn í samtali við Vísi í dag.

„Það er aldrei logn í kringum okkur, ekki frekar en áður," bætti hann við en var ófáanlegur til að gefa frekari upplýsingar um þá leikmenn sem eru í sigtinu hjá ÍBV.