Eygló Ósk bætti Íslandsmetið

Eygló Ósk Gústafsdóttir, 18 ára sundkona úr Ægi, setti nýtt Íslandsmet og tryggði sér sigur í 100 metra baksundi á danska meistaramótinu í 50 metra laug sem fer nú fram í Bellahöj í Kaupmannahöfn.

Eygló Ósk synti 100 metra baksundið á 1:01,08 mínútu. Gamla metið átti Eygló Ósk sjálf eða síðan að hún synti á 1:01,74 mínútu á Ólympíuleikunum í London síðasta haust.

Eygló Ósk er orðin ein okkar allra fremsta sundkona þrátt fyrir ungan aldur og gaman að sjá hún er í frábæru formi þessa dagana og greinilega til alls líkleg í framhaldinu.