WOW flýgur til Parísar allt árið

WOW air hefur ákveðið að auka við flug félagsins til Parísar og mun fljúga þangað allt árið um kring. Flogið verður sex sinnum í viku næsta sumar, á mánudögum, miðvikudögum, föstudögum, laugardögum og sunnudögum. Fyrsta flug sumarsins til Parísar verður 8. júní, segir í tilkynningu frá fyrirtækinu.

WOW air fór í jómfrúarflug sitt til Parísar 31. maí 2012 og flaug þangað tvisvar sinnum í viku síðastliðið sumarið. Er þetta því mikil fjölgun á flugi til borgarinnar.

WOW air flýgur næsta sumar til 14 áfangastaða í Evrópu; London, Kaupmannahafnar, Parísar, Amsterdam, Barcelona, Mílanó, Zurich, Stuttgart, Dusseldorf , Berlínar, Lyon, Alicante, Vilníus og Varsjár.