Fjölmenn slysa- og björgunaræfing fór fram í dag

Í dag fór fram fjölmenn slysa- og björgunaræfing á Ísafjarðarflugvelli á vegum Ísavía, almannavarna og annarra viðbragðsaðila. Æfingin var liður í að samhæfa björgunaraðgerðir ef til flugslyss kemur.

Í morgun var hafist handa við að undirbúa slasaða sem komið var fyrir víðs vegar á hinum ímyndaða slysstað. Það voru síðan ýmis krefjandi verkefni sem biðu björgunarmanna og sjúkraliða. Æfingin þótti takast vel en síðar verður farið yfir niðurstöður með þeim sem tóku þátt.