Innlent

Kanna möguleikann á lagningu sæstrengs

Jón Hákon Halldórsson skrifar
Oddný Harðardóttir fjármálaráðherra skrifaði undir samninginn fyrir hönd Íslands.
Oddný Harðardóttir fjármálaráðherra skrifaði undir samninginn fyrir hönd Íslands.
Möguleikinn á lagningu rafmagnsstrengs milli Bretlands og Íslands verður kannaður, samkvæmt viljayfirlýsingu um samstarf í orkumálum sem undirritaður var í dag.

Það voru Oddný G Harðardóttir iðnaðarráðherra og Charles Hendry orkumálaráðherra Bretlands sem undirrituðu samninginn í Hellisheiðarvirkjun. Samningurinn felur í sér viljayfirlýsingu um aukið samstarf ríkjanna á sviði orkumála og er sérstök áhersla lögð á hagnýtingu endurnýjanlegra orkugjafa.

Í viljayfirlýsingunni eru tilgreind sérstaklega fjögur svið sem ríkin leggja áherslu á:



  1. Miðlun þekkingar og samvinna varðandi beislun jarðhita og uppbyggingu hitaveitna í Bretlandi.
  2. Möguleikinn á lagningu rafmagnsstrengs milli Íslands og Bretlands skal kannaður með jákvæðum augum.
  3. Vilji til að aðstoða þróunarlönd við að hagnýta endurnýjanlegar orkuauðlindir sínar. Sérstök áhersla skal lögð á ríki í Austur-Afríku.
  4. Miðlun á þekkingu varðandi uppbyggingu á olíu- og gasiðnaði.

Mest lesið


Fleiri fréttir

Sjá meira


×

Mest lesið