Veiðileyfagjöld ekki á dagskrá Alþingis í dag

Frumvarp um veiðileyfagjöld er ekki á dagskrá Alþingis, annan daginn í röð, eftir að henni var frestað á laugardag.

Formenn þingflokka og forseti Alþingis ræddu fram á kvöld um hugsanleg þinglok, og hefur Fréttablaðið það eftir áreiðanlegum heimilldum að samkomulag geti verið í augsýn um veiðileyfagjaldið svonefnda, gegn því að gjaldið verði lækkað, en frumvarp um fiskveiðistjórnun verði látið bíða haustþings.

Verði það niðurstaðan verður ekki búið að afgreiða nýtt stjórnunarkerfi áður en nýtt fiskveiðiár hefst fyrsta september, eins og ríkisstjórnin stefndi að. Þá er rætt um að fresta rammaáætlun um vernd og nýtingu náttúruauðlinda.