Ólga í VG

Svo virðist sem ólga sé komin í raðir Vinstri Grænna eftir að ráðherrarnir Katrín Jakobsdóttir og Svandís Svavarsdóttur tóku nýverið undir með Ögmundi Jónassyni um að endurmeta þurfi aðildarferlið.

Þingflokksformaður Vinstri grænna, Björn Valur Gíslason, segir afstöðu þeirra ekki koma á óvart enda hafi þingmenn flokksins alltaf talið að Íslandi sé betur borgið utan ESB en innan. Flokkurinn starfi hins vegar samkvæmt stjórnarsáttmála þar sem ákveðið var að sækja um aðild.

„Það hefur ekkert verið rætt um á þeim nótum að draga samstarfsyfirlýsinguna til baka hvað þetta varðar, þannig að það er í raun ekkert nýtt sem er að koma fram í máli þessara ráðhera. þeir eru að ítreka bara fyrri stefnu flokksins. „Það hefur heldur ekkert að mínu mati komið upp, nema það hafi algjörlega farið framhjá mér, á síðustu dögum sem kallar á að það verði gerðar breytingar á þessu ferli. en gerist það þá auðvitað tekur þingið málið til umfjöllunar," segir hann. Í morgun hófst fundur utanríkismálanefndar um samningsafstöðu vegna aðildarumsóknar að ESB og segir Björn Valur það vera hefðbundinn stöðufund. Ég á ekki von á neinum átökum þar heldur að þetta séu bara svona upplýsingar um stöðuna," segir hann.

Aðspurður segist Björn Valur ekki telja að stjórnarsamstarfið sé í hættu. „Stjórnarsamstarfið er ekkert í hættu þó fólk sé aðeins að sperra sig svona í sumarlok og taka sér stöðu. stjórnarsamstarfið stendur traustum fótum og hefur alltaf gert. allt þetta kjörtímabil þó því hafi verið spáð endalokum nánast daglega, þá er langur vegur í það. við eigum eftir að starfa lengi saman áfram, vinstri græn og samfylkingin," segir hann.