Kræklingur úr Hvalfirði getur valdið eitrun

Matvælastofnum varar við neyslu á kræklingi sem safnað er í Hvalfirði. Sýni af sjó sem voru tekin í Hvalfirði í lok síðustu viku, til greiningar á eitruðum þörungum, leiddu í ljós að dynophysis-þörungar sem geta valdið eitrun voru yfir viðmiðunarmörkum.

Á heimasíðum Matvælastofnunar og Hafrannsóknastofnunar má sjá upplýsingar frá niðurstöðum vöktunar á eitruðum þörungum á nokkrum stöðum við landið. Neytendum, sem ætla að tína krækling, er bent á kynna sér niðurstöðurnar áður en lagt er af stað í slíka ferð.- shá