Leitað að franskri ferðakonu sem féll tíu metra við Geitafell

Þyrla Landhelgisgæslunnar er á leiðinni á Höfn til þess að aðstoða við leit að franskri ferðakonu sem var á gangi á Hoffellsjökli en hún virðist hafa hrapaði um tíu metra við Geitafell og meiðst nokkuð á höfði.

Konan náði sambandi við Neyðarlínuna í gegnum farsíma en gat ekki gefið upp staðsetningu sína. Samkvæmt upplýsingum frá lögreglunni á Höfn er talið að staðsetning hennar sé fundin, björgunarsveit Hornafjarðar er nú á leiðinni til konunnar og er búist við að hún verði fundin eftir skamma stund.

Konan er enn í sambandi við neyðarlínuna.