Kjálkabraut félaga sinn með barefli í sumarbústað

Um klukkan tvö aðfaranótt laugardags var tilkynnt um meðvitundarlausan mann sem hafði orðið fyrir alvarlegri árás í sumarbústað í Grímsnesi.

Samkvæmt upplýsingum lögreglu lenti tveimur mönnum saman með þeim afleiðingum að annar þeirra greip til bareflis og sló hinn í andlitið með þeim afleiðingum að hann kjálkabrotnaði og hlaut opin sár í andliti.

Hann var fluttur til Reykjavíkur þar sem gert var að sárum hans. Árásarmaðurinn var hinsvegar handtekinn og færður til yfirheyrslu. Mennirnir voru ölvaðir. Engin vitni voru að árásinni og lögregla veit ekki hver aðdragandi hennar var.

Málið er í rannsókn.