Sýður gulrætur í hver á Flúðum

„Þetta hefur verið ótrúlega spennandi,“ segir hinn heimsþekkti norski sjónvarpskokkur Andreas Viestad sem er staddur hér á landi við upptökur á tíundu þáttaröð af þætti sínum New Scandinavian Cooking.

Að minnsta kosti 120 milljónir manna fylgjast með þættinum í um eitt hundrað löndum.

Viestad gantast með að komið hafi sér á óvart að í grennd eldstöðvarinnar á Fimmvörðuhálsi hafi ekki verið fullt af íslenskum fjölskyldum að elda sunnudagssteikina sína. „Mér finnst þið ekki nota eldfjöllin ykkar nógu mikið því það er frábært að elda þar,“ bætir hann við.

Tveir þættir verða unnir úr Íslandsheimsókninni. Viestad hefur meðal annars eldað bleikju við bakka Laxár, grillað lamb á Fimmvörðuhálsi og soðið lax, gulrætur og epli í heitum hverum á Flúðum.- fb/sjá síðu 44