Þvottahús fæst ekki hækkað

Dvalarheimilið Grund við Hringbraut fær ekki að byggja skrifstofur ofan á þvottahús stofnunarinnar.

„Um er að ræða þrönga götu og lágreista íbúðabyggð með suðurgörðum og svölum norðan megin við Brávallagötu og má því gera ráð fyrir að íbúar þeirra húsa muni hafa áhyggjur af skuggavarpi,“ segir í umsögn skipulagsstjóra. Grund hugðist slá tvær flugur í einu höggi; forðast mikinn viðhaldskostnað á þaki þvottahússins og fá nýjar skrifstofur svo hægt væri að innrétta hjúkrunarrými í þeim gömlu. - gar