Lífi 45 milljóna verði bjargað næstu 23 árin

Bóluefni, bætt heilsugæsla og aukin menntun í heiminum á síðustu fjörutíu árum hefur dregið úr tíðni barnadauða um meira en helming. Alþjóðlegur fundur um málefnið hófst fyrir helgi í Washington í Bandaríkjunum.

Á fundinum koma saman fulltrúar frá meira en áttatíu ríkjum og fjöldi sérfræðinga í þeim tilgangi að samhæfa aðgerðir til að draga enn frekar úr barnadauða. Ríkisstjórnir Eþíópíu, Indlands og Bandaríkjanna leiða fundinn í samstarfi við Barnahjálp Sameinuðu þjóðanna, UNICEF.

Markmið fundarins er að fá alþjóðasamfélagið til þess að taka höndum saman og minnka barnadauða niður í tuttugu af hverjum eitt þúsund lifandi fæddum börnum í hverju landi fyrir árið 2035. Það þýðir að hægt verði að bjarga lífi 45 milljóna barna á næstu 23 árum og færa heiminn nær því endanlega markmiði að aftra því að börn deyi af orsökum sem vel mætti koma í veg fyrir.

Í tilkynningu frá UNICEF kemur fram að enn látist milljónir barna undir fimm ára aldri á hverjum degi af orsökum sem hægt væri að koma í veg fyrir.

Flest eru börnin í sunnanverðri Afríku og Suður-Asíu. Árið 2010 voru það 57 börnum af hverjum 1.000 lifandi fæddum.- sv