Fær barnabætur eins og aðrir

Viktoría krónprinsessa af Svíþjóð og Daníel prins, eiginmaður Viktoríu, fá hefðbundnar barnabætur frá sænsku tryggingastofnuninni þegar barn þeirra er komið í heiminn hvort sem þau vilja það eða ekki.

Fréttavefur Dagens Nyheter vitnar í starfsmann tryggingastofnunarinnar sem segir að allir foreldrar fái þessar bætur. Vilji krónprinsessan og eiginmaður hennar ekki halda bótunum verði þau að gefa peningana.

Viktoría og Daníel eiga einnig rétt á fæðingarorlofsgreiðslum en þó ekki fullum greiðslum.- ibs