Búin að tapa auðæfunum

Söngkonan heimsfræga Whitney Houston, sem leitaði sér aðstoðar vegna krakkfíknar í fyrra, er búin að tapa öllum auðæfum sínum.

„Auðæfi Whitney eru horfin. Stórlaxar í tónlistarbransanum eru að hjálpa henni og plötufyrirtækinu sem hún á við að búa til næstu plötu hennar en enginn veit hvenær hún kemur út," sagði heimildarmaður Radar Online.

„Hún væri hugsanlega heimilislaus ef þetta fólk væri ekki að hjálpa henni. Hún er alveg staurblönk. Hún hringdi í einhvern og bað hann um að lána sér tólf þúsund kall."