Ari Trausti í fjallgöngu

Forsetaframbjóðandinn Ari Trausti bauð öllum áhugasömum með sér í fjallgöngu. Gangan hófst klukkan tíu í dag en göngutíminn verður alls um 3 klukkutímar.

Gengið verður á Stóra-Kóngsfell og mun Ari Trausti fræða menn um það sem fyrir augu ber. Ari er sem kunnugt er menntaður í jarðvísindum og auk þess mikilvirkur fjallgöngumaður. Hann ætti því að geta sagt þátttakendum sitthvað fróðlegt.

Fjallið er um 400 m hátt en gönguvegalengdin alls um 3 km.

Fólki er ráðlagt að hafa með sér góða skó, dálítið nesti og göngustafi.