Jólaplata Bubba kemur ekki út fyrir jólin - misskilningur varðandi leyfi á Bítlalagi

„Þetta er að sjálfsögðu mjög leiðinlegt en við öxlum þá ábyrgð að það var ekki staðið rétt að málum," segir Eiður Arnarsson, útgáfustjóri hjá Senu.

Jólaplatan hans Bubba kemur ekki út nú fyrir jólin. Ástæðan er sú að misskilningur varð á milli Senu og Bubba varðandi leyfi fyrir bítlalaginu Across the Universe, sem er í íslenskri útgáfu á plötunni.

„Eins og staðan er núna þá verður plötunni frestað um heilt ár, því þetta er jólaplata þá er erfiðara að gefa hana út í mars. Það urðu mistök á leigusölu fyrir eitt lag á plötunni," segir Eiður.

Platan er tilbúin en von var á henni til landsins á næstunni. „Ég veit bara ekki hvort hún kemur til landsins á næstunni eða á næsta ári, það kemur bara í ljós. Þetta er að sjálfsögðu mjög leiðinlegt en það varð misskilningur á milli okkar og Bubba," segir hann.

„Þetta er mjög svekkjandi. En það verður bara að hafa það - menn verða að taka þessu eins og menn. Það var fyrst og fremst ákvörðun Bubba að gefa hana út fyrir næstu jól, og við styðjum hann að sjálfsögðu heilshugar í því."