Nauðsynlegt að móta stefnu um dvalarheimili aldraða

Rýmum á dvalarheimilum aldraða hefur fækkað um helming á síðustu sex árum. Á sama tíma hefur öldruðum hér landi, 67 ára og eldri, fjölgað um 10 prósent.

Fjallað er um málefni dvalarheimila í nýrlegri skýrslu Ríkisendurskoðun. Þar kemur fram að nauðsynlegt sé fyrir stjórnvöld að móta skýra stefnu um framtíð dvalarheimila.

Þá telur stofnunin að fjárframlög ríkisins til heimilanna eigi að ráðast af þjónustuþörf íbúanna, til að tryggja að fé renni þangað sem þörfin er mest.

Á undanförnum árum hefur eftirspurn eftir dvalarrýmum almennt dregist saman. Þetta kann að benda til þess að stefna stjórnvalda hafi að einhverju leyti gengið fram. Markmið stjórnvalda er að þessi hópur getið með viðeigandi stuðningi búið við eðlilegt heimilislíf sem lengst. Gamalt fólk eigi ekki að dvelja á stofnun nema það sé ófært um að búa heima, þrátt fyrir stuðning.

Lögð hefur verið áhersla á uppbyggingu hjúkrunarheimila fyrir þá sem ekki geta búið heima. Um leið hefur markmiðið verið að fækka rýmum á dvalarheimilum fyrir aldraða.

Þá telur Ríkisendurskoðun að yfirvöld þurfi að ákveða hvort fækka eigi dvalarrýmum frekar en orðið er og þá með hvaða hætti.

Loks má geta þess að úttekt Ríkisendurskoðunar leiddi í ljós að körlum gengur almennt betur að fá úthlutað dvalarrýmum en konum. Margt bendir til þess að þar hafi félagslegar aðstæður einhver áhrif.

Konur eru þó í meirihluta íbúa heimilanna enda eru þær í miklum meirihluta þeirra sem bíða eftir rýmum. Þá dvelja þær almennt lengur á heimilunum en karlar, vegna þess að þær ná hærri aldri.