"Ekkert fréttnæmt" af lögreglu í nótt

Nóttin var tíðindalítil hjá lögreglunni á höfuðborgarsvæðinu í nótt. Það tíðindalítil, að lögreglan treystir sér til að fullyrða í tilkynningu að „ekkert fréttnæmt" hafi átt sér stað.

Sé miðað við fréttamat hennar sjálfrar var um var að ræða „hefðbundna helgarnótt."

Sex einstaklingar gistu hins vegar í fangaklefum lögreglunnar á Hverfisgötu í nótt.

Þeir höfðu tekið þátt í skemmtanalífinu að einhverju marki kvöldið áður og voru allir í þannig ástandi að klefinn var hentugur næturstaður, samkvæmt upplýsingum fréttastofu.